ضرب آلمره يآهيه مآهي رجؤؤله

أود ان اطرح قضية قديمه...مستمره....أزلية... وهي قضية ضرب الحرمة بصفة عامه والزوجه بصفه خاصة...ويليها جبروت الرجل...الذي يكون لديه شخصية ناقصه ويكملها بضرب زوجته واذا خرج برآ البيت من الممكن ان يهان ويضرب من رجل اقوى عنه ولذا فهو لا يضربها كتأديب وانما كأتثبيت لشخصيته لا اريد ان اطيل عليكم ولذا وضعت انا القضية بين ايديكم واتمنى ان كل عضو يدلوا بدلوه في هذه القضية ليستفيد منها الجميع
يزاكم الله كل خير ديروا بالكم على زوجاتكم وما ملكت ايمانكم
والسموحه


منقووووول ..

من وجهة نظري ... ان كل من يمد يدهـ على زوجه أو أخت
مافيه من الرجوله ذرهـ !

اعرف اربعه حديثي زواج (عرسان)
حصل بينهم طلاق !

تتوقعون ليه ؟!

يقول واحد منهم بكل طفوله: لأنها تعااااااااااااااااندني !

نعم !

والله شي يحزّن ويضحّك في نفس الوقت
رجااااااال هذا!

البنت من السهل إرضائها لأنها مرهفه عاطفيه لوتقولها كلمه حلوهـ نست الزعل وطاري الزعل
حتى لوشخصيتها قويه وعنيدهـ..

حديثي الزواج .. احياناً تواجههم مشاكل
لإختلف الشخصيات

لكن الرجل العااااااقل
يسايسها وتصير لـه مثل الحلاوهـ

..اما رجّال يحط راسه بمرهـ فلاوالله ماعرف الرجوله للأسف
يتوقع ان لازم يفرض شخصيته وهيبته عليها ويصير وحش عشان تطيعه!؟
ليه متزوجتك عشان تخاف منك ولاكيف

جد يعني الموضوع بدآ يتطور بشكل ملحوووظ ياحسااافه على كل بنت رجعت لأهلها طليقه والسبب تافه
وياحسااافه على كل رجل ماعندهـ حكمه وعقل وتأني

اتمنى اشوف نقاشكم ...,,إنجــذاب

ضرب المره يا هيه ما هي رجوله
وما ظنتي من يضرب البنت رجال

لا والله انه ما يعرف الفحوله
وبالمهزله يضرب به أمثال وأمثال

وبعض البشر يقهرك باللي يقوله
جاهل يدرس له ملايين جهال

أكبر طموحه يعمل أصغر بطوله
عنوانها دم المره ما بعد سّال

الضرب للحرمه هو افضل عموله
ويا كثر ما جابوا من أقوال وأقوال

كم جاهل ٍ فيهم تردت فعوله
وكم عالم ٍ ما يتقي شر الأعمال

يلعب ويضرب في بنات الحموله
أحلى االتفاهم عنده بسوط وعقال

لا عاش رجل ٍ كل هذا ميوله
ولا عاش من يتبع حكايات الأنذال

ناس ٍ لهم بالجهل صوله وجوله
اكبر طموحه عيشة البنت في أذلال

عايش وبالقوه يدبر حلوله
يسمع نصايح ناس مجموعة حثال

الشرع قال أدب وطبقت قوله
ما قال عذب واضرب بحقد وخبال

لكن بعض الناس حرف نزوله
والمسأله صارت بطولات وابطال

والعلم ما كل ٍ يطبق أصوله
عشنا وشفنا من مصيبات واهوال

ناس ٍ بنو للمجد مليون دوله
وناس تموت وما بنت نصف تمثال

ودرب العلا ما كل واحد يطوله
ما طاله إلا شخص واعي وخيال

ولا هنت يلي كم بيت ٍ تعوله
يلي لكم بالعز رايه ومنزال

ناس ٍ لفعل الشر ما هي عجوله
تعطف على الحرمه ولا تحقر أطفال

الله يعز اللي يعيش ابسهوله
والله يبدل للبشر بعض الأحوال

وإلا عديم المرجله والفحوله
واقول يا جعلك من الكون تنشال

وان قال ضرب البنت أكبر رجوله
قولوا له انه ورع ما هوب رجال

جد ما احد يضرب مرته الا لان رجولته موب كامله ..
ويحاول يطلعها بذي المسكينه ..

المفروض الواحد ياخذ البنت ع قد عقله ..
وترى بعد فيه بنات تستحملهم يوم يومين يبتلون ما ينعطون وجه ..
بس ما توصل اني اضربها ..

يمكن اوديها بيت اهلها كم يوم لين تعقل ^_^

انجذاب طرح في قمه الروعه ..

يعطيك الف عافيه ..

يعطيك الف عـآفيه
ربي لايحرمنـآ من جديدكَ
||

يسلمو يا الغلا وموضوع عن جد روعه

وجهة نظري ان الرجال اكثريتهم يتوقعون انو الضرب رجوله وهيبه له لاكن عكس ذالك تماما
عشان المراه ماتقدر تمد يدها عليه

اولـآ حابه اشكرك على الموضوع الرائـع..
واتمنى الكل يقراه خصوـصـآ الرجال ويفهمو الموضوع هذا..
والله اي واحد يضرب زوجته مش رجال وكمان يقلل هيبته قدام زوجته..
موا اي واحد يضرب زوجته رجال بالعكس هذا واحد ماعنده شهامه ..
بس الي يرفع الضغط اذا كان يشجع فريق وانهزم يحط حرته فزوجته المسكينه..
وربي شي يضحك..
يعطيك الف عافيه يالغلا..
^_^

^^

انا بعد اشارك نادر وجودها

اختي تجي عندنا اذا صار فيه مباره عشان زوجها

بعض الرجال عقولهم اسستغفر الله بس

موضوع مره حلو اختي

×/
×/
×/
أبدعتي
يعطيك الف عــــــــــآفيه يالغلا
ماننحرم من جديدك المميز
محبتي
×/
×/
×/

يعطيكم العــــــآفيه جميعاً على مروركم العطر
كلامكم عين العقل
الله يحفظكم ....لكم خاالص شكري